...............الارملة السوداء ....................الجزء الثانى1
قال الدمهورى لمامور المركز اسمع يابيه عايز تسال واجاوبك والا عايزنى أتكلم من الأول يعنى زى ما قولت لك من طاء طاء لسلامو عليكم بس استحملنى شوية قال المامور اتفضل يا دمنهورى بيه .
اسمع وسجل فتحت المحضر قال المامور والشاويش محمدين بيكتب ايوة أتكلم يا دمنهورى زى ما بتقول من طاء طاء لسلامو عليكم
قال الدمنهورى ..من حوالى أربعين سنة يابية كان كل اللى يهمنى انى اجرى ورا الموالد في كل بلاد مصر وطبعا كنت بروح ورا الغوازى والرقاصات كان كل همى ان اصحابى يقولو انى اتعرفت على احلى رقاصة ورقت لى وحدى والباقى انتا عارفه لامؤاخذة يعنى الفلوس بتعمل كل شيء.
وفيوم كنت في مولد السيد البدوى وكانت هناك ناس جاية تذكر الله واللى جاى يوفى الندر اللى ندره لله واللى جاى يرزق .الا انا وفيه زيى كتير يابيه كنا بنطارد الرقاصات والغوازى الغجر وغيرهم وسعادتك سيد العارفين
واخذ الدمنهورى يسعل حتى كادت أنفاسه ان تنقطع فقال مامور المركز يا عسكرى هات كباية مية بسرعة ووصيلنا على كبايتين شاى جاء احد افراد الشرطة حاملا كوب ماء واعطاه للدمنهورى ليشرب بعد ان سكنت نوبة السعال فقال مامور المركز للشرطى خللى االراجل بتاع الشاي يعمل كوبايتين بسرعة يا عسكرى..... قال الشرطى تمام يا فندم وانصرف
وما ان انصرف الشرطى حتى قال مامور المركز .اتفضل كمل يا دمنهور بيك انت كنت خلبوص كبير
قال الدمنهورى اليوم ده يابيه كنت بايع محصول القطن والبورصة كانت عالية وسعره كان محصلش اخدت الفلوس وشيلت الفين جنيه معايا لزوم الصرف وحطيت الباقى في البيت لان ابويا الله يرحمه كان طالق ايدى فى كل شيء
ومببسالش اشتريت ايه او صرفت الفلوس فى ايه....هيييييييه دنيا .
وسكت الدمنهورى لياخذ أنفاسه ورشف قليل من الماء ثم اكمل كلامه
قلت يابيه اليوم ده روحت على مولد سيدنا البدوى وكان هناك جماعة بتوع رقص ومغنى بيعملو الشادر بتاعهم علشان يعملو استعراضاتهم وورا الشادر كانت خيام اقامتهم اليوم ده شوفت اجمل ست مكن يعرفها راجل ويمكن شيطانى صور لى كدة .اتسمرت مكانى يابيه وهى عملت نفسها مش شايفانى ودخلت خيمة الرقاصين ولما سالت عنها اللى اعرفهم من زملاء مهنتها قالو دى رقاصة جديدة كانت بترقص عند بديعة مصابنى فمصر وبديعة اتخانقت معاها وطردتها علشان جوز الست بديعة كان عينه من الرقاصة.
قال مامور القسم وايه دخل الرقاصة بموضوعنا يا دمنهورى انت شارب حاجة ياراجل انت جاى تتكلم على أيام شبابك هات من الاخر.
قال الدمنهورى انا كدة بكلمك في أساس الموضوع ومش باخرف يابيه ولا باحكى قصة حياتى اللى ماتشرفش قلت لسعادتك اتحملنى شوية.
قال مامور المركر ماشر كلامك ما احنا الأيام دى ملناش غير بلدكم ثم قال ياعسكرى فين الشاي؟ قال الشرطى جاهز يابيه حالا انصرف الشرطى وعاد ومعة صينية بها اكواب الشاي والماء..وقال تامر بشى سعادتك قال المامور انصراف واقفل الباب وراك وماتدخلش حد.
والتفت الى الدمنهورى وقال اتفضل يادمنهور اشر ب شايك ...فقال الدمنهورى ماتشربش وحش يابيه واخد رشفة من كوب الشاي واكمل حديثه قائلا
المهم يابيه حطيت في دماغى انى ما اسيبش الر قاصة تفلت من ايدى مع انها هي اللى نصبت لى الشبكة علشان توقعنى معاها ومن اليوم ده بدات البلاوى بلوة ورا التانية أولها موت ابويا وماحضرش جنازته وبعديها سلسلة الثار اللى كان اخرها موت ولدى الوحيد.اعتدل مامور المركز عند وصول الدمنهورى لهذا الجزء من الاعتراف وقال يعنى اتنت عارف مين اللى قتل ابنك قال الدمنهورى ايوة يابيه امال انا جيت لحد هنا ليه. قال مامور المركز طيب كمل.
يوميها رجعت ليلى وده اسم الرقاصة ورقصت يومها كنت حاسس انها بترقص لى.رميت تحت رجليها شوية جنيهات وفضلت ترقص عليهم وبعد نهاية الرقصة طلبها الجمهور واعادت الرقصة ورميت فلوس اكتر تحت رجليها وانسحبت الى خيمة الراقصين لانتظرها بعد الرقصة وفعلا رجعت وجلست امامى وهى تقول انت عايز ايه منى من امبارح وانت بتشاغلنى وان مش حملك ياسمك ايه انت اسمك ايه؟ كانت تتكلم بدلال خلانى عجزت عن مجا راتها في الكلام رغم خبرتى مع هذه الاشكال. أخرجت ساعتها من جيبى ورقة بمائة جنية وقلت لها دى نقطة خاصة منى رفضتها بسرعة وقلت لا لا ان مش بتاعة كدة وماليش في الحرام ايوة اعوذ بالله من الحرام.قلت لها هي الهدية حرام قالت طيب حاردها ازاى وانا مليش في الحرام النا باكلمك دوغرى من الأول اقولك علشان مانخسرش بعض علشان انت جرئ وجدع وعجبتنى .حاقبل الهدية النوبة دى لغاية مانتعرف وناخد على بعض اكتر .عن اذنك يا بلعوطى قلت لهادمنهورى دمنهورى. قالت عن اذنك اتفضل انا حاغير لبس الشغل و ضحكت ضحكة انخلع لها قلبى وانصرفت وانا في طريقى الى الى اللوكاندة كان الفجر بيادن
............................الارملة السوداء...........الجزاء الثانى1
...........................................................................................................................................
الارملة السوداء ...جزء2.....2
قال مامور المركز للدمنهورى كمل بقية الحكاية ..ردعليه الدمنهورى امشى الولة بتاع الكاريته بتاعتى ... قال المامور سيبه يمكن نحتاجه كمل انت بس..
قال الدمنهورى تانى يوم يابيه كنت اول واحد قاعد في الصف الأول لان مفيش حد كان بينقط زيي وزاع صيتى في المولد واتلم حولى كثير من اللصوص لكن الغفرا بتوعى كانو لهم بالمرصاد وخافو كلهم منى بعد كدة وفيوم كنت قاعد زى عادتى في الصف الأول جه شاب وكان شكله مهندم ومن أولاد المدن الكبيرة يعنى من القاهرة او اسكندرية كلامه غيرنا يابيه وطريقة معاملته كمان انا كنت باصرف كتير علشان يعاملونى كويس لكن ده كان يكفيه انه يتكلم بطريقته او يتعامل بشكل غير اللى كنت باتعامل مع الناس كان حاجة تانية وفرض على أكون صديقه لانه كان له اراضى كتير فى البلداللى جارنا كان همام ضرغام يابيه راجل ونعم الناس لكن الشيطان شاطر يابيه سلط على غباوتى وعقلى الخربان وخلانى احط نفسى في عداوة مع راجل يستاهل يبقى اقرب لىا من اهلى. واخذ يسعل ثم سكت ورشف قليلا من الماء.
قال المامور .كمل يادمنهورى والتفت الى الشاويش الجالس بجانبه وقال اكتب الكلام كلمة كلمة واصحى معايا اتفضل يا دمنهورى كمل
الليلة اللى باحكى عنها كانت البداية الحقيقية للهم الازلى اللى انا فيه دلوقت ليلتها جه همام ضرغام وقعد مكانى ولما جيت حاول يقوم من مكانه ويتاسف لكى رفضت ورحوت للولد اللى بينظم الشادر وشتمته وخليت الغفرا يضربوه وحضر همام وكان الرجالة كسرو الشادر وجرحو بعض الرقاصين وكان المولد قرب ينفض قام الرجل بمصالحتى معهم ودفع ثمن كافة التلفيات واخرج الغفر من الحبس ومن يومها اصبح صديقى .ولكنه لم يكن يلف مثلى على الموالد كان يحضر بوصفه باحث وبيكتب مسرحيات ويالف مزيكة وانا كنت باضحك عليه ومش مصدق ان دى مهنة الجهل وحش يابيه...وبعد ماخلس المولد راحت فرقة الرقاصة ليلى لمولد تانى بكفر الشيخ مولد سيدى إبراهيم الدسوقى لكن فلوسى كانت خلصت رجعت البلد اجيب غيرهم لقيت ابويا مات له أسبوع والكل كان بيدور عليا ومش مصدق انى ممكن أكون في المولد كان لسة اخواتى التلاته واولادهم عايشين قبل التار مايطحن الكل خلص العزا وعديها بيوم اخدت الفلوس ونزلت على دسوق ودورت على شادر ليلى قالو مجاتش دى رجعت مصر تشتغل هناك بعد معركة الغفرا. المهم رجعت لدمنهور وركبت القطر وسافرت على مصر ولفيت على المسارح والكابريهات يمكن الاقى ارقاصة ليلى لكنها فص ملح وداب وفى يوم قالو ان فيه رقاصة جديدة اسمها جواهر بترقص عند كابريه ببا ذهبت وكانت ليلى بترقص هناك وبعد ان اطلقت على نفسها جواهر كانت الاضائة والمكان الجيد غير مسارح الشوادر كان منظرها اكثر من مغرى لكن المشكلة ان همام ضرغام كان قاعد في الصف الأول وكانت بترقص وهى بتبص له اكلت الغيرة قلبى يا بيه لانى كنت اعتبرها ملكى كانى اشتريتها بحبى العبيط ونسيت انها كانت رغبة خايبة ماتستحقش مجرد التفكير لكن الزمن زى الطلق لما بتطلع لا يمكن ترجع تانىيومها يابيه طلعت على المسرح وكنت شارب كاسين مدورين راسى وحاولت ابوسها طردتنى واتلم عليا بلطجية الكباريه وضربونى علقة ساخنة
ضحك المامور وقال وبعدين روحت؟
قال الدمنهورى ابدا طلع ورانا عسكرى انجليزى وقال جو اوت قلت له انت اللى اوت وابوك ستين اوت وامسكت به وهجم على زملائه واكملو ما بدائه بلطجية الكباريه وخرجت ببا عزالدين وقالت ارموه برة ورمونى برة.خرج وريا همام ضرغام واركبنى حنطور واوصلنى لاقرب طبيب وخطولى جروحى واعونى دواء واوصلونى الى اللوكاندة التي كنت أقيم بها وانصرف همام واتنين كانو معاه بعد ان دفع للمرة التانية كافة المصروفات يومها يابيه عاهدت نفسى ارجع عن السكة البطالة دى واستنى بعد سنوية ابويا واتجوز وادير ملاك العيلة زى ماكان عايز ابويا وعليه رجعت البلد ومرت سنة كنت نسيت كل اللى فات وكان ربنا مسهلها علشان الغلابة اخواتى وعيالهم لغاية ما جه يوم قالو لى ان فيه محرات بيشتغل بالجاز بيحرت الأرض بتاعتنا كلها في يومين وقال المحرات في عزبة ضرغام يومها قلت همام صاحبى وراجل جدع وممكن ااجر منه المحرات احرت بيه الارض مش حيقول لاء
.................................................................................
...................................الارملة السوداء....الجزء الثانى 2
.............................................................................................................................................................
الارملة السوداء جزء ثانى...............................3
بعد عدة زيارات لعزبة ضرغام لقيت الوضع زى ماهو يابيه مفيش غير الغفر اللى موجودين وخدامين عيلة ضرغام اللى بيهتمو بالقصر المهم يابيه صرفت نظر وقلت بعدين اروح مصر اشترى وابور حر ت لكن بيتجاب منين؟ بكرة نعرف وانشغلت يابيه في اعمال العيلة مع اخوتى الله يرحم الكل بعديها بحوالي سنة قال اخويا الكبير انت لازم تشوف نفسك وتتجوز واختارو لى بنت عمى نجية ام المرحوم ناجى هو الوحيد اللى عاش لغاية اليوم الاغبر لما جاللى بالكاريتة هو والجثة اللى معاه مابيعش لنا عيال كان ربنا بيعاقبى على أيام الهلس والسرمحة اللى عيشتها انشغلت نجية بالولد وانا مكانش ورايا الاتعويض العيلة عن الفلوس اللى ضيعتها وبورصة القطن كانت أسعارها عالية والقطن بتاعنا كان احسن صنف وبزرته قديمة وسلالة معروفة المهم يابيه مرت الأيام والسنين والولة ناجى وديته الكتاب علشان مولانا يحفظه القران لكنه كان بهيمة ومخه في العب يابيه الولد طالع صورة منى واخد كل شيء وحش منى من أيام ماكنت عيل واللى اظهر ده اكتر دلع نجية مراتى وبت عمى له ....قال مامور المركز وبعدين يادمنهورى كمل
في يوم يابيه افتكرت وابور الحرت اللى كان لازم نشتريه بعد ما اشترين عشرين فدان كانو لناس وسط ارضنا وخرجو منها مرضيين واخدو اللى طلبوه اخدت ابن اخويا الكبير وقلت نروح مصر نشترى بابور الحرت ونجيب واحد يعلم البقر اللى عندنا ازاى يسوقوه وكمان يعملو له صيانة ماهو الحديد بيتاكل زى البنى ادم يابيه اخدت الكارتة وكان سايقها الولة حمدان ابن اخويا التانى الله يرحمهم مالكل راح يابيه بسبب زناخة مخى وكررها بسبب زناخة مخى...
نظر اليه المامور وقال تعيش وتفتكر .وبعدين .كمل يادمنهورى مش كل شوية تعيط ياراجل هه وبعدين
وبعدين يابيه وانا عند سلالم مدخل المحطة شوفت منظر طير برج من نافوخى يابيه كان همام ضرغام نازل ورايح على الكاريتة بتاعته وكانت ليلى الرقاصة متعلقة في ايده ووراهم واحدة نوبية من عبيد الباشا الكبير كانت شايلة عيل في اللفة .دققت النظر يمكن تكون واحدة شبه ليلى لاهى لكنها أصبحت برنسيسة حاجة تانية خالص غير البت اللى كانت بترقص في الموالد وشوادر العوالم .همام ضرغام كان مشغول انه يركب ليلى الكاريتة ومخادش باله منى .وانا يابيه نافوخى طار اول ماشفت المنظر ده وقلت في نفسى يبقى كدة همام ابن ضرغام عطانى كف ولبس على قفايا وساعتها النار ولعت في صدرى يابيه حتى الولة ابن اخويا لاحظ وافتكرنى عيان...وسالنى مالك ياعمى ...قلت له عمك تعبان اوى ياولة وحنرجع مش مسافرين وفعلا ركبنا كارتتنا ورجعت على الدوار والكل كان فاكرنى بعافية المهم قعدت مع نفسى يومين والشيطان كان راكب نافوخى وقلت في نفسى لازم احسره عليها الأول وبعدين يروح هو فىستين داهية ...
اوم ايه فكرت يابيه ان الولة زغلول اللى نشانه مابيخبش هو اللى يقدر يقوم بالمهمة دى واهو لو وقع يبقى انا بعيد لانه كان من عصاب عيال اشقيا بيسرقو المواشى .اليوم ده اخدت ركوبة وغطيت وشى وخرجت بعد المغرب ورحت المكان اللى بيقعد فيه الولة زغلول يلعب كوشتينة مع العيال اللى شبهه ومن حظى لقيته قاعد وحده وايده جوزة بيشد منها البلاوى اللى بيشربوها اول ماشافنى جه ناحيتى بهدوء وقعد قصادى وقال امرك يا كبير انت جالا في طلب صح؟ قلت صح واتفقت معاه انه ياخد نص عمولته وبعد الظرف مايصيب ياخد الباقى وعليهم بوسة...قال الدار امان يابيه ولولا قلة الشغل الأيام دى كنت عملت الموضوع ده هدية لك.بكرة حتسمع اخبار حلوة وانصرف الولة زغلول وبعدين مشيت بعده بشوية ورجعت الدوار .
مر يوم والتانى ومسمعتش اى خبر افتكرت الولة زغلول ضحك عليا واخد الفلوس وهرب قلت فنفسى اخد بندقيتى واروح افرغها فيه اول ما اشوفه لو طلع نصاب .لكن يا بيه سمعت صوت ضرب نار من ناحية ارضنا وعيارات ملهاش عدد وسكتت فجاة
...........................................................................................
.................................الارملة السوداء الجزء التانى.......3
..........................................................................................................................................................
الارملة السوداء الجزء الثانى......................................4
قال الدمنهورى لمامور المركز المهم يابيه اخدت السلاح وركبت الفرس وجريت على ارضنا وعلى ماوصلت كان اخويا الكبير واتنين من عياله ماتو وكان الوسطانى سعد مصاب في رجليه ومابيتحركش في مكانه وعلى ماوصلو الرجالة كنت ربطت رجليه اللى فيها الطلقات ونقلنا اخوى وعياله للدوار ولما فاق سعد من الاغماء بعد ما طلعنا من رجليه الرصاص قال اللى ضربونا على خوانة ناس مانعرفهاش وكانو راكبين خيل ومشو ناحية الزراعية وكل ده تم بسرعة .المهم يابيه جه مامور المركز اللى كان قبلك وكان يهمه ان الحوادث دى ما توصلش المديرية واتقيدت ضد مجهول وده اللى كنت عاوزه وكمان ابن ضرغام يابيه لانه اتصل بالمركز وبلغ عن وجود شقى قتله الغفر جنب قصره وهو بيضرب نار وماتت فيه مراته الرقاصة ليلى وناس اتعرفو على جثة الشقى زغلول .انا فهمت يابيه انهم مسكو زغلول بعد ماضرب النار وماتت ليلى مرات همام ضرغام وده ريحنى شوية لكن هي فين الراحة ذنب موت اخويا وأولاده في رقبتى...وسكت الدمنهورى وهو يمسح دموع عينيه التي انطفاء نورها من زمن فقال له المامور كمل يادمنهورى احنا قربنا على نص الليل
ومن يومها وابن ضرغام فضل قاعد في ارضه هو بنته اللى اسمها ليلى على اسم أمها وكنا أيام نموت منهم ناس وهم يموتو منا ناس والتار ما بيخلصش يابيه سلسلة ملهاش اخر .وبعدين عرفت ان همام ابن ضرغام ناوى يجوز بنته وكنت ناوى انهى الخصومة باى شكل لان ابنى ناجى كان كبر وبقى شاب وكنت خايف عليه وماكنش موجود فى عيلة ضرغام الا بنته هي اللى بقت عايشة هي وابوها همام وكان كل همه انه كل كام شهر يموت حد من عيلة الدمنهورى والزمن جرى عليا وعلى همام وكنت عارف ان بنته ليلى هي اللى بنعمل البلاوى كلها وبتطلع منها زى الشعرة من العجين دى شيطان ماشى على الأرض يابيه بعد جوازتها بشهرين جات هي وجوزها علشان يقضو وقت في العزبة وبعدين الناس لقيوه مرمى في الترعة الغربية واتسالنا في موته لكن محدش عرف مات ازاى بعديها بحوالي سنة كان فيه ضرب نار وهيصة واغانى وفرح قعدبتاع أسبوع كانت الهانم ليلى بنت همام ضرغام بتتجوز الجوازة التانية و بعد الفرح ده بشهرين بالتمام والكمال مات جزها التانى مخنوق ولقو جثته تحت التوته ناحية الساقية اللى في ارضنا وكنا اول مرة نشوفه وكترت حوادث القتل يابيه . البنت بنت ضرغام شيطان ايوة يابيه والعن من الشياطين كمان وبعدموت جوز ليلى التانى كان ابوها نازل يلف في ارضه ومعاه ليلى اللى مابتفارقش ابوها من يوم ما عرفت رجليها طريق المشى على الأرض وكانت هي ايده ورجليه ومخه اللى بيدبر اى موته لعدوينهم واحنا كنا اول الاعادى عيلة الدمنهورى وجه اليوم اللى كنت خايف منه الولة ابنى ناجى كان شقى وملعون اكتر منى ومش سايب بنت في العزب اللى حوالينا وامه منها لله كانت بتتستر عليه وعلى بلاويه وبتدفع للغلابة اللى بيدوس على اعراضهم وكمان ممكن تجوز اى بنت من ضحايا ابنها لاى واحد من الغلابة وكان بيوصلنى افعاله وقلت اجوزه الولة سنه بقى تلاتين سنة يابيه ومش غاوى جواز وعايش العيشة الغم عيشة الفضايح اللى كنت عايشها كان صورة منيلة منى يابيه.
قال المامور لكن مين اللى قتل همام ضرغام
رد الدمنهور انا جاى لك يابيه الوله ابنى كان ملموم على شوية عيال مايعرفوش ربنا وكان فرحان انه رئيس عصابتهم وانا عارفهم بالواحد وكتبت اساميهم في ورقة اهى......ووضع يده في جيبه وااخرج ورقة بها بلاغ بأسماء كل العصابة وقال انا كنت ناوى اخلص عليهم بعد ماقتلو همام لكن ابنته سبقتنى هي اللى قتلت ابنى يابيه اى والله هي اللى قتلته.
وساله مامور المركز طيب حاتقتله ليه يادمنهور.......قال الدمنهورى مانا حاكمل يابيه اخر يوم في حياة همام ابن ضرغام من حوالى سنة وشوية كان نازل يمر على ارضه وكنا على وشك جنى القطن سمعنا صوت ضرب نار وكان الوقت ساعة اذان الضهر وجه خبر همام ضرغام صدقنى يابيه انا زعلت عليه لانى كنت حاس انى انا سبب البلاوى دى وعرفت بعديها من الرجالة ان اللى ضرب همام واحد من الاضيش ابنى ناجى ونه هو اللى كلفه بالمهمة دى وطبعا سعادتك اللى حققت في قضية قتل همام ضرغام .الله يرحمه وسالت بنته اللى انكرت ان لها اعادى..وبعد السنوية بشهرين وصل الراجل اللى ناوى يتجوزها اللى انضرب عليه نار من كام يوم لكنه كان بسبع ترواح وانا عارف ان ناجى ابنى ورا الموضوع ده..هات الختامة يابيه علشان علشان ابصم على كلامى ده بالعشرة وسيبنى اروح ادفن ابنى واجى.
قال مامور المركز خليه يبصم ياشاويش محمدين وطلع معاه قوه تسنى لغاية بعد دفنة ابنه وبنت الناس الغلابة اللى اتعرف على جثتها أهلها واقرو انها زوجة المدعو ناجى الدمنهورى واقفل المحضر في ساعته وتاريخه
تفضل يا دمنهورى ومتروحش هنا او هنا ولمايجى النقيب سليمان خليه يجى علشان عايزه يطلع يحقق فى بلاغ الدمنهور ضد ليلى همام ضرغام .في قضية قتل ابنه ناجى الدمنهور
.................................................................................
........................................الارملة السوداء 4
الارملة السوداء الجزء التانى 5
رجع الدمنهورى الى دوار عيلة الدمنهورى وكانت زوجته وجمع من النساء يجلسن داخل حوش الودار مرتديات السواد بينما كان يجلس خارج الدار مجموعة من رجال العائلات القادمين لعزاء عائلة الدمنهورى بينما وقف جمع من الخفراء التابعين للعالة ومعهم بعض جنود الشرطة المسلحين بالبنادق ومعهم نائب المامور سليمان بيه داود كان مؤذن مسجد القرية يؤذن لصلاة الفجر فقام الرجال للصلاة ومنهم من اتجه ليتوضاء استعدادا لاقامة صلاة الفجر في هذه الليلة لم ينم احد في قرية الدمنهورى ولكن معظم البيوت كانت مغلقة ولم يكن بالمسجد سوى المعزيين بعد ان شق ضوء الشمس سماء القرية ورجع المصلين الى مجلس العزاء كان الدمنهورى يكاد ان يسقط من الإرهاق ولكنه كان يقاوم حتى ينتهى من دفن ابنه و وتوديع المعزين كما تقتضى الحال في مثل هذه الظروف كعادة اهل الريف
وفى هذا الوقت جاء شرطي وكلم سليمان داود بهدوء ناقلا امر مامور المركز ان يذهب لاخذ اقوال ليلى ضرغام في قصرها .انسحب سليمان بهدوء راكبا السيارة الميرى المتهالكة الخاصة بالشرطة وقال للسائق بينا على ارض الدراغمة ورد السائق حاضر يابيه..
وما ان وصل النقيب سليمان داود الى قصر ضرغام حتى اجتمع الخفراء حول السيارة سائلين إياه خيرا يابيه .فاجابهم الهانم موجودة ردو ايوة يابيه جوة القصر ونادى كبير الخفر نا شيخ حسانين انت ياشيخ حسانين .واتجه الخفير الذى ينادى شيخ الخفر الى الضابط قائلا اصل ماينفعش حد مننا يكلم سعادة الهانم او يكلمها الا شيخ الغفر حسانين معلش يابيه النظام هنا كدة قال الضابط واضح واضح ..................جاء حسانين مهرولا بجسمه الضخم وهو يقول خير يابيه اللهم اجعله خير قالل الصابط فين الهانم يا حسانين ؟قال حسانين الهانم جوة القصر يابيه اكيد لسة بتفطر .قال الضابط بلها اننتا عايزين ناخد اقوالها يلا بسرعة ...قال حسانين حاضر جنابك..وجرى ناحية باب القصر ليبلغ ليلى ضرغام بقدوم هذا الزائر غير المرحب به.
رجع حسنين مسرع وهو يقول للضابط اتفضل يابيه اتفضل الهانم مستنياك اتفضل يابيه .وصعدو درجات السلم المؤدية لباب القصر وكانت تقف هناك ليلى ضرغام وعلى وجهها ابتسامة عريضة .وهى تقول اهلا اهلا حضرة الضابط اتفضل اتفضل .ونادى الضابط احد رجاله قائلا يا شاويش على هات دفتر الأحوال وتعالى نزل الشاويش من السيارة واسرع ملبيا امر الضابط .قال الضابط احنا المفروض كنا جايين نبارك يا هانم لكن موت ابن الدمنهور واتهام ابوه ليكم بقتله هو اللى جابنى .نظرت ليلى الى الضابط وى تقول باستغراب هو كل مايموت برص في عيلة الدمنهورى يتهمونا يا سليمان بيه انا النهاردة كتب كتابى وكانو حيموت العريس امبارح وحضرتك كنت هنا بتسالنى انا ازاى باستعد للفرح والا للقتل وبعدين اى واحد يتهم ستات العائلات صدقوه انا مش زعيمة عصابة يا سليمان بيه.رد سليمان دى اجرات ولازم نتممها وده شلنا يا هانم قالت انا حاكلم جلال باشا محرم في المديرية يشوف ايه حكاية المركزبتاعكم ده مش كلام يابيه عرفتم مين الى ضرب نار على خطيبى والا اتحفظ وبقى ضد مجهول وبعدين حرتك جاى تتهمنى بالقتل كدة كتير يابيه كتير قال الضابط اكتب ياشاويش على وبسؤال ليلى عانم همام ضرغام عن اوقعة قتل المدعوناجى الدمنهورى انكرت مانسب اليها وبشهادة كلمن اكتب عندك حسانين شيخ الغفر و..واتجه ناحية ليلى وسالها هو خطيب حضرتك فين .نادت ليلى على سعيدة خادمتها فجائت مسرعة فقالت ليلى اندهى اسماعين بيه .قالت سعيدة حاضر ياستى وجاء إسماعيل مسرعا ومتسائلا خير يابيه فقال الضابط كنت فين امبارح ساعة قبل العصر يا إسماعيل بيه والاقوللى الأول اسمك وسنك وعنواك قال إسماعيل اسمى إسماعيل شاهين سنى تمانية وعشرين سنة ومن اعيان اسكتدر ية وجاى هنا علشان اتجوز ليلى هانم ضرغام بنت صديق ابويا الله يرحمهم الاتنين.لكن قوللى هوفيه ايه يابيه امبارح يضربو عليانار والنهارة تاخدو اقوالى هو اللى يجى يتجوز هنا بتعملو معاه كده يعنى سلو بلدكم قالل الضابط كنت فين امبارح ساعة العصر رد إسماعيل كنت هنا حاروح فين؟ بعد ضرب النار حاجيب منادى واخلي يقول انا فين"؟ اكتب ياشاويش على واثبت حميع الحضور تواجدهم في نفس المكان بالقصر .بعد انكارهم بمانسب اليهم ...وتم توقيعهم على اقوالهم.
قالت ليلى ضرغام انا عايزة اعمل محضر سب للمدعو الدمنهورى يا سليمان بيه .قال سليمان حقك يا هانم..عن اذنك
قالت ليلى يا حسانين وصل البيه وياريت تشرفنا انت وسعادة المامور ....كتب كتابى الليلة
...........................................................................
....................الارملة السوداء................الجزء الثانى5
............................................................................................................................................................
................................................................
قال الدمهورى لمامور المركز اسمع يابيه عايز تسال واجاوبك والا عايزنى أتكلم من الأول يعنى زى ما قولت لك من طاء طاء لسلامو عليكم بس استحملنى شوية قال المامور اتفضل يا دمنهورى بيه .
اسمع وسجل فتحت المحضر قال المامور والشاويش محمدين بيكتب ايوة أتكلم يا دمنهورى زى ما بتقول من طاء طاء لسلامو عليكم
قال الدمنهورى ..من حوالى أربعين سنة يابية كان كل اللى يهمنى انى اجرى ورا الموالد في كل بلاد مصر وطبعا كنت بروح ورا الغوازى والرقاصات كان كل همى ان اصحابى يقولو انى اتعرفت على احلى رقاصة ورقت لى وحدى والباقى انتا عارفه لامؤاخذة يعنى الفلوس بتعمل كل شيء.
وفيوم كنت في مولد السيد البدوى وكانت هناك ناس جاية تذكر الله واللى جاى يوفى الندر اللى ندره لله واللى جاى يرزق .الا انا وفيه زيى كتير يابيه كنا بنطارد الرقاصات والغوازى الغجر وغيرهم وسعادتك سيد العارفين
واخذ الدمنهورى يسعل حتى كادت أنفاسه ان تنقطع فقال مامور المركز يا عسكرى هات كباية مية بسرعة ووصيلنا على كبايتين شاى جاء احد افراد الشرطة حاملا كوب ماء واعطاه للدمنهورى ليشرب بعد ان سكنت نوبة السعال فقال مامور المركز للشرطى خللى االراجل بتاع الشاي يعمل كوبايتين بسرعة يا عسكرى..... قال الشرطى تمام يا فندم وانصرف
وما ان انصرف الشرطى حتى قال مامور المركز .اتفضل كمل يا دمنهور بيك انت كنت خلبوص كبير
قال الدمنهورى اليوم ده يابيه كنت بايع محصول القطن والبورصة كانت عالية وسعره كان محصلش اخدت الفلوس وشيلت الفين جنيه معايا لزوم الصرف وحطيت الباقى في البيت لان ابويا الله يرحمه كان طالق ايدى فى كل شيء
ومببسالش اشتريت ايه او صرفت الفلوس فى ايه....هيييييييه دنيا .
وسكت الدمنهورى لياخذ أنفاسه ورشف قليل من الماء ثم اكمل كلامه
قلت يابيه اليوم ده روحت على مولد سيدنا البدوى وكان هناك جماعة بتوع رقص ومغنى بيعملو الشادر بتاعهم علشان يعملو استعراضاتهم وورا الشادر كانت خيام اقامتهم اليوم ده شوفت اجمل ست مكن يعرفها راجل ويمكن شيطانى صور لى كدة .اتسمرت مكانى يابيه وهى عملت نفسها مش شايفانى ودخلت خيمة الرقاصين ولما سالت عنها اللى اعرفهم من زملاء مهنتها قالو دى رقاصة جديدة كانت بترقص عند بديعة مصابنى فمصر وبديعة اتخانقت معاها وطردتها علشان جوز الست بديعة كان عينه من الرقاصة.
قال مامور القسم وايه دخل الرقاصة بموضوعنا يا دمنهورى انت شارب حاجة ياراجل انت جاى تتكلم على أيام شبابك هات من الاخر.
قال الدمنهورى انا كدة بكلمك في أساس الموضوع ومش باخرف يابيه ولا باحكى قصة حياتى اللى ماتشرفش قلت لسعادتك اتحملنى شوية.
قال مامور المركر ماشر كلامك ما احنا الأيام دى ملناش غير بلدكم ثم قال ياعسكرى فين الشاي؟ قال الشرطى جاهز يابيه حالا انصرف الشرطى وعاد ومعة صينية بها اكواب الشاي والماء..وقال تامر بشى سعادتك قال المامور انصراف واقفل الباب وراك وماتدخلش حد.
والتفت الى الدمنهورى وقال اتفضل يادمنهور اشر ب شايك ...فقال الدمنهورى ماتشربش وحش يابيه واخد رشفة من كوب الشاي واكمل حديثه قائلا
المهم يابيه حطيت في دماغى انى ما اسيبش الر قاصة تفلت من ايدى مع انها هي اللى نصبت لى الشبكة علشان توقعنى معاها ومن اليوم ده بدات البلاوى بلوة ورا التانية أولها موت ابويا وماحضرش جنازته وبعديها سلسلة الثار اللى كان اخرها موت ولدى الوحيد.اعتدل مامور المركز عند وصول الدمنهورى لهذا الجزء من الاعتراف وقال يعنى اتنت عارف مين اللى قتل ابنك قال الدمنهورى ايوة يابيه امال انا جيت لحد هنا ليه. قال مامور المركز طيب كمل.
يوميها رجعت ليلى وده اسم الرقاصة ورقصت يومها كنت حاسس انها بترقص لى.رميت تحت رجليها شوية جنيهات وفضلت ترقص عليهم وبعد نهاية الرقصة طلبها الجمهور واعادت الرقصة ورميت فلوس اكتر تحت رجليها وانسحبت الى خيمة الراقصين لانتظرها بعد الرقصة وفعلا رجعت وجلست امامى وهى تقول انت عايز ايه منى من امبارح وانت بتشاغلنى وان مش حملك ياسمك ايه انت اسمك ايه؟ كانت تتكلم بدلال خلانى عجزت عن مجا راتها في الكلام رغم خبرتى مع هذه الاشكال. أخرجت ساعتها من جيبى ورقة بمائة جنية وقلت لها دى نقطة خاصة منى رفضتها بسرعة وقلت لا لا ان مش بتاعة كدة وماليش في الحرام ايوة اعوذ بالله من الحرام.قلت لها هي الهدية حرام قالت طيب حاردها ازاى وانا مليش في الحرام النا باكلمك دوغرى من الأول اقولك علشان مانخسرش بعض علشان انت جرئ وجدع وعجبتنى .حاقبل الهدية النوبة دى لغاية مانتعرف وناخد على بعض اكتر .عن اذنك يا بلعوطى قلت لهادمنهورى دمنهورى. قالت عن اذنك اتفضل انا حاغير لبس الشغل و ضحكت ضحكة انخلع لها قلبى وانصرفت وانا في طريقى الى الى اللوكاندة كان الفجر بيادن
............................الارملة السوداء...........الجزاء الثانى1
...........................................................................................................................................
الارملة السوداء ...جزء2.....2
قال مامور المركز للدمنهورى كمل بقية الحكاية ..ردعليه الدمنهورى امشى الولة بتاع الكاريته بتاعتى ... قال المامور سيبه يمكن نحتاجه كمل انت بس..
قال الدمنهورى تانى يوم يابيه كنت اول واحد قاعد في الصف الأول لان مفيش حد كان بينقط زيي وزاع صيتى في المولد واتلم حولى كثير من اللصوص لكن الغفرا بتوعى كانو لهم بالمرصاد وخافو كلهم منى بعد كدة وفيوم كنت قاعد زى عادتى في الصف الأول جه شاب وكان شكله مهندم ومن أولاد المدن الكبيرة يعنى من القاهرة او اسكندرية كلامه غيرنا يابيه وطريقة معاملته كمان انا كنت باصرف كتير علشان يعاملونى كويس لكن ده كان يكفيه انه يتكلم بطريقته او يتعامل بشكل غير اللى كنت باتعامل مع الناس كان حاجة تانية وفرض على أكون صديقه لانه كان له اراضى كتير فى البلداللى جارنا كان همام ضرغام يابيه راجل ونعم الناس لكن الشيطان شاطر يابيه سلط على غباوتى وعقلى الخربان وخلانى احط نفسى في عداوة مع راجل يستاهل يبقى اقرب لىا من اهلى. واخذ يسعل ثم سكت ورشف قليلا من الماء.
قال المامور .كمل يادمنهورى والتفت الى الشاويش الجالس بجانبه وقال اكتب الكلام كلمة كلمة واصحى معايا اتفضل يا دمنهورى كمل
الليلة اللى باحكى عنها كانت البداية الحقيقية للهم الازلى اللى انا فيه دلوقت ليلتها جه همام ضرغام وقعد مكانى ولما جيت حاول يقوم من مكانه ويتاسف لكى رفضت ورحوت للولد اللى بينظم الشادر وشتمته وخليت الغفرا يضربوه وحضر همام وكان الرجالة كسرو الشادر وجرحو بعض الرقاصين وكان المولد قرب ينفض قام الرجل بمصالحتى معهم ودفع ثمن كافة التلفيات واخرج الغفر من الحبس ومن يومها اصبح صديقى .ولكنه لم يكن يلف مثلى على الموالد كان يحضر بوصفه باحث وبيكتب مسرحيات ويالف مزيكة وانا كنت باضحك عليه ومش مصدق ان دى مهنة الجهل وحش يابيه...وبعد ماخلس المولد راحت فرقة الرقاصة ليلى لمولد تانى بكفر الشيخ مولد سيدى إبراهيم الدسوقى لكن فلوسى كانت خلصت رجعت البلد اجيب غيرهم لقيت ابويا مات له أسبوع والكل كان بيدور عليا ومش مصدق انى ممكن أكون في المولد كان لسة اخواتى التلاته واولادهم عايشين قبل التار مايطحن الكل خلص العزا وعديها بيوم اخدت الفلوس ونزلت على دسوق ودورت على شادر ليلى قالو مجاتش دى رجعت مصر تشتغل هناك بعد معركة الغفرا. المهم رجعت لدمنهور وركبت القطر وسافرت على مصر ولفيت على المسارح والكابريهات يمكن الاقى ارقاصة ليلى لكنها فص ملح وداب وفى يوم قالو ان فيه رقاصة جديدة اسمها جواهر بترقص عند كابريه ببا ذهبت وكانت ليلى بترقص هناك وبعد ان اطلقت على نفسها جواهر كانت الاضائة والمكان الجيد غير مسارح الشوادر كان منظرها اكثر من مغرى لكن المشكلة ان همام ضرغام كان قاعد في الصف الأول وكانت بترقص وهى بتبص له اكلت الغيرة قلبى يا بيه لانى كنت اعتبرها ملكى كانى اشتريتها بحبى العبيط ونسيت انها كانت رغبة خايبة ماتستحقش مجرد التفكير لكن الزمن زى الطلق لما بتطلع لا يمكن ترجع تانىيومها يابيه طلعت على المسرح وكنت شارب كاسين مدورين راسى وحاولت ابوسها طردتنى واتلم عليا بلطجية الكباريه وضربونى علقة ساخنة
ضحك المامور وقال وبعدين روحت؟
قال الدمنهورى ابدا طلع ورانا عسكرى انجليزى وقال جو اوت قلت له انت اللى اوت وابوك ستين اوت وامسكت به وهجم على زملائه واكملو ما بدائه بلطجية الكباريه وخرجت ببا عزالدين وقالت ارموه برة ورمونى برة.خرج وريا همام ضرغام واركبنى حنطور واوصلنى لاقرب طبيب وخطولى جروحى واعونى دواء واوصلونى الى اللوكاندة التي كنت أقيم بها وانصرف همام واتنين كانو معاه بعد ان دفع للمرة التانية كافة المصروفات يومها يابيه عاهدت نفسى ارجع عن السكة البطالة دى واستنى بعد سنوية ابويا واتجوز وادير ملاك العيلة زى ماكان عايز ابويا وعليه رجعت البلد ومرت سنة كنت نسيت كل اللى فات وكان ربنا مسهلها علشان الغلابة اخواتى وعيالهم لغاية ما جه يوم قالو لى ان فيه محرات بيشتغل بالجاز بيحرت الأرض بتاعتنا كلها في يومين وقال المحرات في عزبة ضرغام يومها قلت همام صاحبى وراجل جدع وممكن ااجر منه المحرات احرت بيه الارض مش حيقول لاء
.................................................................................
...................................الارملة السوداء....الجزء الثانى 2
.............................................................................................................................................................
الارملة السوداء جزء ثانى...............................3
بعد عدة زيارات لعزبة ضرغام لقيت الوضع زى ماهو يابيه مفيش غير الغفر اللى موجودين وخدامين عيلة ضرغام اللى بيهتمو بالقصر المهم يابيه صرفت نظر وقلت بعدين اروح مصر اشترى وابور حر ت لكن بيتجاب منين؟ بكرة نعرف وانشغلت يابيه في اعمال العيلة مع اخوتى الله يرحم الكل بعديها بحوالي سنة قال اخويا الكبير انت لازم تشوف نفسك وتتجوز واختارو لى بنت عمى نجية ام المرحوم ناجى هو الوحيد اللى عاش لغاية اليوم الاغبر لما جاللى بالكاريتة هو والجثة اللى معاه مابيعش لنا عيال كان ربنا بيعاقبى على أيام الهلس والسرمحة اللى عيشتها انشغلت نجية بالولد وانا مكانش ورايا الاتعويض العيلة عن الفلوس اللى ضيعتها وبورصة القطن كانت أسعارها عالية والقطن بتاعنا كان احسن صنف وبزرته قديمة وسلالة معروفة المهم يابيه مرت الأيام والسنين والولة ناجى وديته الكتاب علشان مولانا يحفظه القران لكنه كان بهيمة ومخه في العب يابيه الولد طالع صورة منى واخد كل شيء وحش منى من أيام ماكنت عيل واللى اظهر ده اكتر دلع نجية مراتى وبت عمى له ....قال مامور المركز وبعدين يادمنهورى كمل
في يوم يابيه افتكرت وابور الحرت اللى كان لازم نشتريه بعد ما اشترين عشرين فدان كانو لناس وسط ارضنا وخرجو منها مرضيين واخدو اللى طلبوه اخدت ابن اخويا الكبير وقلت نروح مصر نشترى بابور الحرت ونجيب واحد يعلم البقر اللى عندنا ازاى يسوقوه وكمان يعملو له صيانة ماهو الحديد بيتاكل زى البنى ادم يابيه اخدت الكارتة وكان سايقها الولة حمدان ابن اخويا التانى الله يرحمهم مالكل راح يابيه بسبب زناخة مخى وكررها بسبب زناخة مخى...
نظر اليه المامور وقال تعيش وتفتكر .وبعدين .كمل يادمنهورى مش كل شوية تعيط ياراجل هه وبعدين
وبعدين يابيه وانا عند سلالم مدخل المحطة شوفت منظر طير برج من نافوخى يابيه كان همام ضرغام نازل ورايح على الكاريتة بتاعته وكانت ليلى الرقاصة متعلقة في ايده ووراهم واحدة نوبية من عبيد الباشا الكبير كانت شايلة عيل في اللفة .دققت النظر يمكن تكون واحدة شبه ليلى لاهى لكنها أصبحت برنسيسة حاجة تانية خالص غير البت اللى كانت بترقص في الموالد وشوادر العوالم .همام ضرغام كان مشغول انه يركب ليلى الكاريتة ومخادش باله منى .وانا يابيه نافوخى طار اول ماشفت المنظر ده وقلت في نفسى يبقى كدة همام ابن ضرغام عطانى كف ولبس على قفايا وساعتها النار ولعت في صدرى يابيه حتى الولة ابن اخويا لاحظ وافتكرنى عيان...وسالنى مالك ياعمى ...قلت له عمك تعبان اوى ياولة وحنرجع مش مسافرين وفعلا ركبنا كارتتنا ورجعت على الدوار والكل كان فاكرنى بعافية المهم قعدت مع نفسى يومين والشيطان كان راكب نافوخى وقلت في نفسى لازم احسره عليها الأول وبعدين يروح هو فىستين داهية ...
اوم ايه فكرت يابيه ان الولة زغلول اللى نشانه مابيخبش هو اللى يقدر يقوم بالمهمة دى واهو لو وقع يبقى انا بعيد لانه كان من عصاب عيال اشقيا بيسرقو المواشى .اليوم ده اخدت ركوبة وغطيت وشى وخرجت بعد المغرب ورحت المكان اللى بيقعد فيه الولة زغلول يلعب كوشتينة مع العيال اللى شبهه ومن حظى لقيته قاعد وحده وايده جوزة بيشد منها البلاوى اللى بيشربوها اول ماشافنى جه ناحيتى بهدوء وقعد قصادى وقال امرك يا كبير انت جالا في طلب صح؟ قلت صح واتفقت معاه انه ياخد نص عمولته وبعد الظرف مايصيب ياخد الباقى وعليهم بوسة...قال الدار امان يابيه ولولا قلة الشغل الأيام دى كنت عملت الموضوع ده هدية لك.بكرة حتسمع اخبار حلوة وانصرف الولة زغلول وبعدين مشيت بعده بشوية ورجعت الدوار .
مر يوم والتانى ومسمعتش اى خبر افتكرت الولة زغلول ضحك عليا واخد الفلوس وهرب قلت فنفسى اخد بندقيتى واروح افرغها فيه اول ما اشوفه لو طلع نصاب .لكن يا بيه سمعت صوت ضرب نار من ناحية ارضنا وعيارات ملهاش عدد وسكتت فجاة
...........................................................................................
.................................الارملة السوداء الجزء التانى.......3
..........................................................................................................................................................
الارملة السوداء الجزء الثانى......................................4
قال الدمنهورى لمامور المركز المهم يابيه اخدت السلاح وركبت الفرس وجريت على ارضنا وعلى ماوصلت كان اخويا الكبير واتنين من عياله ماتو وكان الوسطانى سعد مصاب في رجليه ومابيتحركش في مكانه وعلى ماوصلو الرجالة كنت ربطت رجليه اللى فيها الطلقات ونقلنا اخوى وعياله للدوار ولما فاق سعد من الاغماء بعد ما طلعنا من رجليه الرصاص قال اللى ضربونا على خوانة ناس مانعرفهاش وكانو راكبين خيل ومشو ناحية الزراعية وكل ده تم بسرعة .المهم يابيه جه مامور المركز اللى كان قبلك وكان يهمه ان الحوادث دى ما توصلش المديرية واتقيدت ضد مجهول وده اللى كنت عاوزه وكمان ابن ضرغام يابيه لانه اتصل بالمركز وبلغ عن وجود شقى قتله الغفر جنب قصره وهو بيضرب نار وماتت فيه مراته الرقاصة ليلى وناس اتعرفو على جثة الشقى زغلول .انا فهمت يابيه انهم مسكو زغلول بعد ماضرب النار وماتت ليلى مرات همام ضرغام وده ريحنى شوية لكن هي فين الراحة ذنب موت اخويا وأولاده في رقبتى...وسكت الدمنهورى وهو يمسح دموع عينيه التي انطفاء نورها من زمن فقال له المامور كمل يادمنهورى احنا قربنا على نص الليل
ومن يومها وابن ضرغام فضل قاعد في ارضه هو بنته اللى اسمها ليلى على اسم أمها وكنا أيام نموت منهم ناس وهم يموتو منا ناس والتار ما بيخلصش يابيه سلسلة ملهاش اخر .وبعدين عرفت ان همام ابن ضرغام ناوى يجوز بنته وكنت ناوى انهى الخصومة باى شكل لان ابنى ناجى كان كبر وبقى شاب وكنت خايف عليه وماكنش موجود فى عيلة ضرغام الا بنته هي اللى بقت عايشة هي وابوها همام وكان كل همه انه كل كام شهر يموت حد من عيلة الدمنهورى والزمن جرى عليا وعلى همام وكنت عارف ان بنته ليلى هي اللى بنعمل البلاوى كلها وبتطلع منها زى الشعرة من العجين دى شيطان ماشى على الأرض يابيه بعد جوازتها بشهرين جات هي وجوزها علشان يقضو وقت في العزبة وبعدين الناس لقيوه مرمى في الترعة الغربية واتسالنا في موته لكن محدش عرف مات ازاى بعديها بحوالي سنة كان فيه ضرب نار وهيصة واغانى وفرح قعدبتاع أسبوع كانت الهانم ليلى بنت همام ضرغام بتتجوز الجوازة التانية و بعد الفرح ده بشهرين بالتمام والكمال مات جزها التانى مخنوق ولقو جثته تحت التوته ناحية الساقية اللى في ارضنا وكنا اول مرة نشوفه وكترت حوادث القتل يابيه . البنت بنت ضرغام شيطان ايوة يابيه والعن من الشياطين كمان وبعدموت جوز ليلى التانى كان ابوها نازل يلف في ارضه ومعاه ليلى اللى مابتفارقش ابوها من يوم ما عرفت رجليها طريق المشى على الأرض وكانت هي ايده ورجليه ومخه اللى بيدبر اى موته لعدوينهم واحنا كنا اول الاعادى عيلة الدمنهورى وجه اليوم اللى كنت خايف منه الولة ابنى ناجى كان شقى وملعون اكتر منى ومش سايب بنت في العزب اللى حوالينا وامه منها لله كانت بتتستر عليه وعلى بلاويه وبتدفع للغلابة اللى بيدوس على اعراضهم وكمان ممكن تجوز اى بنت من ضحايا ابنها لاى واحد من الغلابة وكان بيوصلنى افعاله وقلت اجوزه الولة سنه بقى تلاتين سنة يابيه ومش غاوى جواز وعايش العيشة الغم عيشة الفضايح اللى كنت عايشها كان صورة منيلة منى يابيه.
قال المامور لكن مين اللى قتل همام ضرغام
رد الدمنهور انا جاى لك يابيه الوله ابنى كان ملموم على شوية عيال مايعرفوش ربنا وكان فرحان انه رئيس عصابتهم وانا عارفهم بالواحد وكتبت اساميهم في ورقة اهى......ووضع يده في جيبه وااخرج ورقة بها بلاغ بأسماء كل العصابة وقال انا كنت ناوى اخلص عليهم بعد ماقتلو همام لكن ابنته سبقتنى هي اللى قتلت ابنى يابيه اى والله هي اللى قتلته.
وساله مامور المركز طيب حاتقتله ليه يادمنهور.......قال الدمنهورى مانا حاكمل يابيه اخر يوم في حياة همام ابن ضرغام من حوالى سنة وشوية كان نازل يمر على ارضه وكنا على وشك جنى القطن سمعنا صوت ضرب نار وكان الوقت ساعة اذان الضهر وجه خبر همام ضرغام صدقنى يابيه انا زعلت عليه لانى كنت حاس انى انا سبب البلاوى دى وعرفت بعديها من الرجالة ان اللى ضرب همام واحد من الاضيش ابنى ناجى ونه هو اللى كلفه بالمهمة دى وطبعا سعادتك اللى حققت في قضية قتل همام ضرغام .الله يرحمه وسالت بنته اللى انكرت ان لها اعادى..وبعد السنوية بشهرين وصل الراجل اللى ناوى يتجوزها اللى انضرب عليه نار من كام يوم لكنه كان بسبع ترواح وانا عارف ان ناجى ابنى ورا الموضوع ده..هات الختامة يابيه علشان علشان ابصم على كلامى ده بالعشرة وسيبنى اروح ادفن ابنى واجى.
قال مامور المركز خليه يبصم ياشاويش محمدين وطلع معاه قوه تسنى لغاية بعد دفنة ابنه وبنت الناس الغلابة اللى اتعرف على جثتها أهلها واقرو انها زوجة المدعو ناجى الدمنهورى واقفل المحضر في ساعته وتاريخه
تفضل يا دمنهورى ومتروحش هنا او هنا ولمايجى النقيب سليمان خليه يجى علشان عايزه يطلع يحقق فى بلاغ الدمنهور ضد ليلى همام ضرغام .في قضية قتل ابنه ناجى الدمنهور
.................................................................................
........................................الارملة السوداء 4
الارملة السوداء الجزء التانى 5
رجع الدمنهورى الى دوار عيلة الدمنهورى وكانت زوجته وجمع من النساء يجلسن داخل حوش الودار مرتديات السواد بينما كان يجلس خارج الدار مجموعة من رجال العائلات القادمين لعزاء عائلة الدمنهورى بينما وقف جمع من الخفراء التابعين للعالة ومعهم بعض جنود الشرطة المسلحين بالبنادق ومعهم نائب المامور سليمان بيه داود كان مؤذن مسجد القرية يؤذن لصلاة الفجر فقام الرجال للصلاة ومنهم من اتجه ليتوضاء استعدادا لاقامة صلاة الفجر في هذه الليلة لم ينم احد في قرية الدمنهورى ولكن معظم البيوت كانت مغلقة ولم يكن بالمسجد سوى المعزيين بعد ان شق ضوء الشمس سماء القرية ورجع المصلين الى مجلس العزاء كان الدمنهورى يكاد ان يسقط من الإرهاق ولكنه كان يقاوم حتى ينتهى من دفن ابنه و وتوديع المعزين كما تقتضى الحال في مثل هذه الظروف كعادة اهل الريف
وفى هذا الوقت جاء شرطي وكلم سليمان داود بهدوء ناقلا امر مامور المركز ان يذهب لاخذ اقوال ليلى ضرغام في قصرها .انسحب سليمان بهدوء راكبا السيارة الميرى المتهالكة الخاصة بالشرطة وقال للسائق بينا على ارض الدراغمة ورد السائق حاضر يابيه..
وما ان وصل النقيب سليمان داود الى قصر ضرغام حتى اجتمع الخفراء حول السيارة سائلين إياه خيرا يابيه .فاجابهم الهانم موجودة ردو ايوة يابيه جوة القصر ونادى كبير الخفر نا شيخ حسانين انت ياشيخ حسانين .واتجه الخفير الذى ينادى شيخ الخفر الى الضابط قائلا اصل ماينفعش حد مننا يكلم سعادة الهانم او يكلمها الا شيخ الغفر حسانين معلش يابيه النظام هنا كدة قال الضابط واضح واضح ..................جاء حسانين مهرولا بجسمه الضخم وهو يقول خير يابيه اللهم اجعله خير قالل الصابط فين الهانم يا حسانين ؟قال حسانين الهانم جوة القصر يابيه اكيد لسة بتفطر .قال الضابط بلها اننتا عايزين ناخد اقوالها يلا بسرعة ...قال حسانين حاضر جنابك..وجرى ناحية باب القصر ليبلغ ليلى ضرغام بقدوم هذا الزائر غير المرحب به.
رجع حسنين مسرع وهو يقول للضابط اتفضل يابيه اتفضل الهانم مستنياك اتفضل يابيه .وصعدو درجات السلم المؤدية لباب القصر وكانت تقف هناك ليلى ضرغام وعلى وجهها ابتسامة عريضة .وهى تقول اهلا اهلا حضرة الضابط اتفضل اتفضل .ونادى الضابط احد رجاله قائلا يا شاويش على هات دفتر الأحوال وتعالى نزل الشاويش من السيارة واسرع ملبيا امر الضابط .قال الضابط احنا المفروض كنا جايين نبارك يا هانم لكن موت ابن الدمنهور واتهام ابوه ليكم بقتله هو اللى جابنى .نظرت ليلى الى الضابط وى تقول باستغراب هو كل مايموت برص في عيلة الدمنهورى يتهمونا يا سليمان بيه انا النهاردة كتب كتابى وكانو حيموت العريس امبارح وحضرتك كنت هنا بتسالنى انا ازاى باستعد للفرح والا للقتل وبعدين اى واحد يتهم ستات العائلات صدقوه انا مش زعيمة عصابة يا سليمان بيه.رد سليمان دى اجرات ولازم نتممها وده شلنا يا هانم قالت انا حاكلم جلال باشا محرم في المديرية يشوف ايه حكاية المركزبتاعكم ده مش كلام يابيه عرفتم مين الى ضرب نار على خطيبى والا اتحفظ وبقى ضد مجهول وبعدين حرتك جاى تتهمنى بالقتل كدة كتير يابيه كتير قال الضابط اكتب ياشاويش على وبسؤال ليلى عانم همام ضرغام عن اوقعة قتل المدعوناجى الدمنهورى انكرت مانسب اليها وبشهادة كلمن اكتب عندك حسانين شيخ الغفر و..واتجه ناحية ليلى وسالها هو خطيب حضرتك فين .نادت ليلى على سعيدة خادمتها فجائت مسرعة فقالت ليلى اندهى اسماعين بيه .قالت سعيدة حاضر ياستى وجاء إسماعيل مسرعا ومتسائلا خير يابيه فقال الضابط كنت فين امبارح ساعة قبل العصر يا إسماعيل بيه والاقوللى الأول اسمك وسنك وعنواك قال إسماعيل اسمى إسماعيل شاهين سنى تمانية وعشرين سنة ومن اعيان اسكتدر ية وجاى هنا علشان اتجوز ليلى هانم ضرغام بنت صديق ابويا الله يرحمهم الاتنين.لكن قوللى هوفيه ايه يابيه امبارح يضربو عليانار والنهارة تاخدو اقوالى هو اللى يجى يتجوز هنا بتعملو معاه كده يعنى سلو بلدكم قالل الضابط كنت فين امبارح ساعة العصر رد إسماعيل كنت هنا حاروح فين؟ بعد ضرب النار حاجيب منادى واخلي يقول انا فين"؟ اكتب ياشاويش على واثبت حميع الحضور تواجدهم في نفس المكان بالقصر .بعد انكارهم بمانسب اليهم ...وتم توقيعهم على اقوالهم.
قالت ليلى ضرغام انا عايزة اعمل محضر سب للمدعو الدمنهورى يا سليمان بيه .قال سليمان حقك يا هانم..عن اذنك
قالت ليلى يا حسانين وصل البيه وياريت تشرفنا انت وسعادة المامور ....كتب كتابى الليلة
...........................................................................
....................الارملة السوداء................الجزء الثانى5
............................................................................................................................................................
................................................................
ليست هناك تعليقات:
إرسال تعليق